سیکرٹری مذہبی امور میاں مشتاق روڈ ٹو مکہ ڈٹ انا بارواٹ حوال تس
اسلام آباد۔ 05جولائی (اے پی پی) وزیراعظم عمران خان جمعہ نا دے آ اسلام آباد انٹر نیشنل ایئر پورٹ آ”روڈ ٹو مکہ“ ڈٹ انا باضابطہ بناءِ کرے۔ داوخت آ بنجائی وزیر شہری ہوابازی غلام سرور خان، وزیراعظم نا خصوصی کمکار اسٹیبلشمنٹ محمد ارباب شہزاد، پاکستان اٹی سعودی عرب نا سفیر نواف سعید المالکی و ایلو بڑزکو کمامدارآک ہم ساڑی ئسر۔ وزیراعظم ءِ بالی پٹ آ سیکرٹری مذہبی امور میاں مشتاق روڈ ٹو مکہ ڈٹ انا بارواٹ حوال تس۔ دا پائلٹ ڈٹ انا رداٹ پاکستانی حج انا عازمین تے اسلام آباد آن روانگی نا وخت آ ہی امیگریشن و ایلو تعلقدار آسراتی دوبریک۔ یات سلے کہ وزیراعظم عمران خان سعودی ولی عہد شہزادہ محمد بن سلمان ءِ پاکستان نا دورہ ٹی پاکستانی حج انا عازمین تا آسراتی کن درخواست کریسس ہراڑا پاکستان ءِ ”روڈ ٹو مکہ“ پروگرام اٹ اوار کننگا۔
