ساڑی حکومت وزیراعظم عمران خان نا کماشی ٹی ملک ءِ معاشی تنکی آن کشنگ کن سنجیدہ کوشست کننگ ءِ، وزیر خارجہ شاہ محمود قریشی

اسلام آباد۔ 05جولائی (اے پی پی) وزیر خارجہ شاہ محمود قریشی پارینے کہ ساڑی حکومت وزیراعظم عمران خان نا کماشی ٹی ملک ءِ معاشی تنکی آن کشنگ کن سنجیدہ کوشست کننگ ءِ۔ دا ہیت ءِ او سروک پلڈ اٹ احمد بلال محبوب تون گپ و تران کرسا پارے ہرا جمعہ نادے آ جوائنٹ سیکرٹری پلڈ اٹ آسیہ ریاض تون اوار وزارت خارجہ ٹی اوڑتون اوڑدہی کرے۔ اوڑدہی ٹی ساڑی حکومت نا مثبت پالیسی تتون اوار تین پہ تینی است خواہی نا معاملہ غاتیا گپ و تران کننگا۔ وزیر خارجہ پارے کہ تحریک انصاف نا حکومت وزیراعظم عمران خان نا کماشی ٹی ملک ءِ معاشی تنکی آن کشنگ کن سنجیدہ کوشست کننگ ءِ۔ ملک اٹی پیشن نا زرکاری ءِ مون آ دننگ کن نن اقتصادی سفارتکاری ءِ تینا کرینن ہرانا مثبت نتیجہ دوئی مننگ ءِ۔ احمد بلال محبوب داوخت آ گپ و تران کرسا پارے کہ وزیراعظم عمران خان نا وزیر آتا کارکڑدگی ءِ ہُننگ نا گام گیج ستاکڑزک۔اوپارے کہ داکان مست ہم حکومت آک داڈول نا پڑو کرسا کرینو ولے تحریک انصاف نا حکومت اولیکوحکومت ءِ ہرا دا بابت عملی گام گیج کرینے۔