اسلام آباد۔ 05 جولائی (اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پارینے کہ پوسکن آ پاکستان کانود و آئین نا حکمرانی نا پن ءِ۔ جمعہ نادے آ تینا ٹویٹ اٹی اوپارے کہ کانود آن ہچ کس ایڑتر اف، کانود ءِ تینا تابع جوڑ کروک آتے اولیکو وار آجو کانود تون مون تروک ءِ ہنداخاطران کوک و واتوڑ تو مریک۔ ڈاکٹر فردوس عاشق اعوان پارے کہ مسلم لیگ (ن) ہراتم فسطائی ذہنیت نا ہیت ءِ کیک تو سانحہ ماڈل ٹاؤن اٹ کہوک آ کودک خلقت آ سم تا برسات یات بریک۔ اوپارے کہ زالبول و بزرگ انگا بندغ آتیا بہیمانہ بیدادی فسطائی ءُ رویہ اس ئس۔ سیاست نا گلوبٹ آک داسہ ہرامون اتون لیکچر تننگ ءُ۔
