وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان نا آل پاکستان اخبار فروش فیڈریشن نا کنڈآن تروک آ بیابخیری آن تران

اسلام آباد۔ 04جولائی (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ حقدار اسکان حق ءِ سرکننگ حکومت نا بنداوی زمواری ءِ، وزیراعظم نا احساس پروگرام نا مسخت راج انا اختہ مروک و بنداوی گرج آتیان محروم بندغ و کبینی نا خلوک ہر بندغ ءِ ریلیف تننگ نا ءِ، حکومت ریاست مدینہ نا تصور نا رداٹ ہر بندغ و شیفکو کہول انا بندغ آتا راجی آسراتی ءِ المی کننگ کن پرعزم ءِ، وزیراعظم نا ”احساس پروگرام“ ریاست مدینہ نا بنداوی تصور نا رداٹ بناکننگانے، دا سیاسی وابستگی آن ایڑتر حقدار آتا امداد نا پروگرام اسے۔ پنچ شنبے نادے آ او داڑے آل پاکستان اخبار فروش فیڈریشن نا کنڈآن تروک آ ک آ بیابخیری آن تران کریکہ۔ڈاکٹر فردوس عاشق اعوان ملک انا مر مر انگا علاقہ غاتیان بروک آ اخبار فروش فیڈریشن نا کارندہ غاتے بخیر کرسا پارے کہ فیڈریشن نا میزبانی ءِ بایدے کنے کروئی مرے ولے کنے داڑے مہمان اس کرسا بٹنگ انگا، اینو ای داڑے مہمان اس آخا میزبان اسے اُٹ ہنداخاطران دود انا بل ءِ میزبان ایتک۔ اوآل پاکستان اخبار فروش فیڈریشن نا کارندہ غاتے پارے کہ نما راجی آسراتی وزیراعظم عمران خان نا وژن ءِ، حکومت احساس پروگرام نا بناءِ ہنداخاطران کرینے،م ریاست مدینہ نا تصور نا رداٹ نن اختہ مروک و شیفکو کہول انا بندغ آتا راجی آسراتی ءِ خوانہ و حکومت نا بنداوی وژن ءِ کہ حقدار اسکان اونا حق سرمرے خواہ اونا تعلق ہراکہ جماعت آن مرے، اوفتسکان حق ءِ سرکننگ ننا بنداوی زمواری ءِ۔ اوپارے کہ راج انا اختہ مروک و بنداوی گرج آتیان محروم بندغ آک، کبینی نا خلوک ہر شاری نا گچینی کن ہمہ مون آ ہِننگے۔