وزیراعظم عمران خان اقلیتی برادری ناویل آتے ایسر کننگ کن ہروڑ نا کوشست آتے کاریم اٹ اتنگ نا حکومتی عزم انا اعادہ ءِ کرے

قومی اسمبلی نا باسک جمشید تھامس نا کماشی ٹی بشپس نا ڈل انا وزیراعظم تون اوڑدہی، پاکستان کیتھولک بشپسکانفرنس نا کنڈآن دیامر بھاشا و مہمند ڈیم فنڈ اکن 56لکھ 50 ہزار روپئی نا چیک اس پیش کرے
اسلام آباد۔ 04جولائی (اے پی پی) وزیراعظم عمران خان اقلیتی برادری تا ویل آتے ایسر کننگ کن ہروڑنا کوشست آتے کاریم اٹ اتنگ نا حکومتی عزم انا اعادہ ءِ کرینے۔ اوداہیت ءِ پنچ شنبے نادے آ قومی اسمبلی نا باسک جمشید تھامس نا کماشی ٹی بشپس نا ڈل اتون گپ و تران کرسا پارے ہرا وزیراعظم آفس اٹی اوڑتون اوڑدہی کریر۔ پاکستان کیتھولک بشپس نا صدر آرچ بشپ جوزف ارشد، لاہور نا آرچ بشپ آرچ بشپ سباسٹین فرانس شا، ملتان نا بشپ بینی تراوس، فیصل آباد نا بشپ اینڈ ریاس رحمت و جان فلپ ئسک اوار ئسر۔ اوڑدہی ٹی مسیحی برادری نا بابت ویل آتیا گپ و تران مس۔ ڈل پاکستان کیتھولک بشپس کانفرنس نا کنڈآن دیامربھاشا و مہمند ڈیم فنڈ اکن وزیراعظم ءِ 56لکھ 50 ہزار روپئی نا چیک پیش کرے۔ داپیسہ غاتے پاکستان(اسلام آباد، راولپنڈی، کراچی، لاہور، فیصل آباد، حیدر آباد و کوئٹہ) نا 7 کیتھولک چرچ آک عطیہ کرینو۔