چیئرمین نیب جسٹس (ر) جاویداقبال نا کرپشن آن زہمی بندغ آتے پیسہ غاتا پدی تننگ نا دود آن تران

نیب اسہ وڑ احتساب آ باور کیک، نیب ملک ءِ کرپشن و بدعنوان عنصر آتیان پاک کننگ کن اسہ ٹکی ایجنڈاغا عمل کننگ ءِ،
اسلام آباد۔ 04جولائی (اے پی پی) قومی احتساب بیورو (نیب) انا چیئرمین جسٹس(ر) جاوید اقبال پارینے کہ نیب اسہ وڑ احتساب آ باور کیک، اوڑکن غٹ بریبر ءُ چائے او برسراقتدار اریر یا افس، نیب کس اسے نا برخلاف انتقامی کارروائی کپننگ ءِ۔ اوداہیت ءِ پنچ شنبے نادے آ کرپشن آن زہمی بندغ آتے پیسہ غاتا پدی تننگ نا دود آن تران کرسا پارے۔ داوخت آ چیئرمین نیب زہمی تیٹی چیک ہم بشخ وپانٹ کرے۔ اوپارے کہ داپارسا کنے بھاز خوشی محسوس مننگ ءِ کہ مسہ پین کیس آتے ٹی کم وو د 20 کروڑ روپئی آن زیات پیسہ 4740زہمی و زہمی ادارہ غاتے پدی تننگ انگ ءِ۔ اوپارے کہ نیب ملک ءِ کرپشن و بدعنوان عنصر آتیان پاک کننگ کن اسہ ٹکی ایجنڈاغا عمل کننگ ءِ، بدعنوان عنصر آتا سوب آن پاکستان شون ہلوک ملک آتا صف اٹ اوار اف۔