وزیر خارجہ شاہ محمود قریشی نا برطانیہ نا ہائی کمشنر تھامس ڈریو تون اوڑدہی ٹی گپ و تران

اسلام آباد۔ 04جولائی (اے پی پی) وزیر خارجہ شاہ محمود قریشی پارینے کہ پاکستان مخالف پروپیگنڈہ کن اسٹیڈیم ءِ کاریم اٹ اتنگ گڑتی اسے، برطانوی شہزادہ ولیم و اونا اُرائی کیٹ مڈلٹن نا داسال سیل اٹی گمانی دورہ پاکستان نا خبر ستاکڑزک۔ حکومت پاکستان و الس دا پڑو نا ستاءِ کیرہ۔ داہیت ءِ او پاکستان اٹی برطانیہ نا ہائی کمشنر تھامس ڈریو تون گپ و تران کرسا پارے ہرا پنچ شنبے نادے آ وزارت خارجہ ٹی اوڑتون اوڑدہی کرے۔ اوڑدہی ٹی ہڑتوم آ کنڈآتا تعلقداری، ڈیہہ نا حالیت آتون اوار تین پہ تینی است خواہی نا معاملہ غاتیاگپ و تران کننگا۔ کڑدہ غاک پاکستان و برطانیہ نا نیام اٹ ہڑتوم آ کنڈآتا تعلقداری نا ساڑی آ وڑآاست جمی نا درشانی ءِ کرے۔ وزیر خارجہ شاہ محمود قریشی، برطانوی ہائی کمشنر تون پاکستان و اوغانستان نا نیام اٹ گوازی کروک میچ(ورلڈ کپ2019ء) ٹی پاکستان مخالف بینرز چست کننگ و پاکستانی کرکٹ ٹیم اتون ہتک آمیز رویہ نا معاملہ ءِ ہم چست کرے۔ وزیر خارجہ شاہ محمود قریشی پارے کہ پاکستان مخالف پروپیگنڈہ کن اسٹیڈیم ءِ کاریم اٹ اتنگ گڑتی اسے۔ اوپارے کہ برطانوی شہزادہ ولیم و اونا اُرائی کیٹ مڈلٹن نا داسال سیل (موسم خزاں) ٹی گمانی دورہ پاکستان نا خبر خوش آئند ءِ۔ حکومت پاکستان و الس کنگسٹن پیلس نا داپڑو نا خیرمقدم ءِ کیرہ۔