اسلام آباد۔ 04جولائی (اے پی پی) امت مسلمہ تینا وسیلہ غاتے یکجا کرسا شونداری نا اسیجا ایجنڈاغا بایدے کاریم کیر۔ چیئرمین سینیٹ محمد صادق سنجرانی داخیال آتا درشانی ءِ مصر انا سفیر احمد محمد فضل یعقوب تون پارلیمنٹ ہاؤس اٹی پنچ شنبے نادے آ سینیٹ اٹی قائد حزب اختلاف سینیٹر راجہ ظفر الحق نا دفتر اٹی گپ و تران کرسا کرے۔ مصر انا سفیر ہڑتوم آ راہشون آتون خیر سگالی …
چیئرمین سینیٹ محمد صادق سنجرانی نا مصر انا سفیر احمد محمد فضل یعقوب تون اوڑدہی ٹی گپ وتران
گیشتریں ھال
اسلام آباد۔ 04جولائی (اے پی پی) امت مسلمہ تینا وسیلہ غاتے یکجا کرسا شونداری نا اسیجا ایجنڈاغا بایدے کاریم کیر۔ چیئرمین سینیٹ محمد صادق سنجرانی داخیال آتا درشانی ءِ مصر انا سفیر احمد محمد فضل یعقوب تون پارلیمنٹ ہاؤس اٹی پنچ شنبے نادے آ سینیٹ اٹی قائد حزب اختلاف سینیٹر راجہ ظفر الحق نا دفتر اٹی گپ و تران کرسا کرے۔ مصر انا سفیر ہڑتوم آ راہشون آتون خیر سگالی ءُ اوڑدہی اس کرے ہراٹی تین پہ تینی است خواہی نا معاملہ غاتیا گپ و تران مس۔ ہڑتوم آ راہشونک پاریر کہ بدبختی اٹ مسلم امہ داوخت آ اختلاف نا گواچی ءِ و بے المی حالیت آک شونداری نا عمل ءِ سست روی نا گواچی کرینو۔ اوفک پاریر کہ ننے تینا صف آتے ٹی سیوت ودی کروئی مریک و مسلم ملک آتا الس نا راجی آسراتی نا خاطر امن ءِ موقع تروئی مریک و شونداری عمل ءِ مون آ دروئی مریک۔ ننا دودوربیدگ، تہذیب و تمدن اٹ بھلو مماثلت اسے و دانا فائدہءِ ہرفسا ننے مسلم امہ نا سیوت و یگانگت کن کوشست کروئی مریک۔
