وزیراعظم عمران خان نا منظوری آن پاکستان تحریک انصاف نا 21باسکی کور کمیٹی نا ٹہیفنگ نا نوٹیفکیشن جاری

اسلام آباد۔ 04جولائی (اے پی پی) وزیراعظم عمران خان نا منظوری آن پاکستان تحریک انصاف نا 21باسکی کور کمیٹی نا ٹہیفنگ نا باضابطہ نوٹیفکیشن ءِ جاری کننگانے، نوٹیفکیشن ءِ مرکزی سیکرٹری جنرل ارشد داد نا کنڈآن جاری کننگا۔ پنچ شنبے نادے آ پاکستان تحریک انصاف نا مرکزی میڈیا ڈیپارٹمنٹ آن جاری بیان نا رداٹ کور کمیٹی نا ٹہیفنگ تحریک انصاف نا آئین نا شق VI(1-1) نا رداٹ عمل اٹ بس۔ کمیٹی نا باسک آتے ٹی عبدالعلیم خان، ارشد داد، اسدعمر، بابر اعوان، فواد چوہدری، غلام سرور خان، محمود خان، مخدوم شاہ محمود قریشی، محمد عاطف خان، محمد میاں سومرو، مراد سعید، نعیم الحق، پرویز خٹک، قاسم خان سوری، سیف اللہ خان نیازی، سردار عثمان بزدار، سردار یار محمد رند، شفقت محمود، شیریں مزاری، سید علی حیدر زیدی و سید شبلی فراز ئسک اوارو۔ وزیراعظم و چیئرمین پاکستان تحریک انصاف عمران خان کور کمیٹی نا کماشی ءِ کیک۔ مرکزی سیکرٹری جنرل ارشد داد کور کمیٹی نا سیکرٹری نا فرض ءِ سرانجام ایتک۔ کور کمیٹی نا دیوان اٹی اہم قومی، سیاسی و تنظیمی معاملہ غاتیا غورو خوض و پالیسی سازی نا بابت فیصلہ کننگک۔