اسلام آباد۔ 03جولائی (اے پی پی) وزیراعظم عمران خان گیس دُزی نا برخلاف مہم ءِ پین گچین کننگ نا پارت کرسا پارینے کہ گیس دُزی ٹی اوار عنصر آتا بے پرخ کارروائی تون اوار اوار دُن انگا عنصر آتے پاش کننگے۔ اوداہیت ءِ چار شنبے نادے آ گیس انا فراوانی نا بابت معاملہ غاتیا بڑزکوکہول انا دیوان نا کماشی ءِ کرسا پارے۔ خصوصی کمکار ندیم بابر، سیکرٹری پاور عرفان علی، …
وزیراعظم عمران خان نا کماشی ٹی گیس انا فراوانی نا بابت معاملہ غاتیا بڑزکو کہول دیوان اس
گیشتریں ھال
اسلام آباد۔ 03جولائی (اے پی پی) وزیراعظم عمران خان گیس دُزی نا برخلاف مہم ءِ پین گچین کننگ نا پارت کرسا پارینے کہ گیس دُزی ٹی اوار عنصر آتا بے پرخ کارروائی تون اوار اوار دُن انگا عنصر آتے پاش کننگے۔ اوداہیت ءِ چار شنبے نادے آ گیس انا فراوانی نا بابت معاملہ غاتیا بڑزکوکہول انا دیوان نا کماشی ءِ کرسا پارے۔ خصوصی کمکار ندیم بابر، سیکرٹری پاور عرفان علی، سیکرٹری خزانہ نوید کامران بلوچ، سیکرٹری دفاع لیفٹیننٹ جنرل (ر) اکرام الحق، سیکرٹری خارجہ سہیل محمود، ایم ڈی انٹرسٹیٹ گیس سسٹم مبین صولت، ڈی جی گیس شاہد یوسف و ایلوسینئر آفیسر آک دیوان اٹی ساڑی ئسر۔ خصوصی کمکار ندیم بابر وزیراعظمءِ گیس انا طلب و رسد و بروک آ تُو تیٹی گیس انا گرج آتے پورو کننگ نا چرجوئی ٹی چست کروک آ گام گیج آتیان معلومدار کرے۔
