اسلام آباد۔ 03جولائی (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ پبلک اکاؤنٹس کمیٹی سرکڑدہ ہی آن فراغت و پوسکن آ پارلیمانی لیڈر نا تقرر پاکستان مسلم لیگ (ن) نا کنڈآن شہباز شریف آ بے پتی ءِ۔ چارشنبے نادے آ تینا ٹویٹ اٹی اوپارے کہ ہراتم اسکان شہباز شریف نا مار سلمان شہباز و سالم علی عمران پدی برسا بدعنوانی نا …
وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان نا ٹویٹ
گیشتریں ھال
اسلام آباد۔ 03جولائی (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ پبلک اکاؤنٹس کمیٹی سرکڑدہ ہی آن فراغت و پوسکن آ پارلیمانی لیڈر نا تقرر پاکستان مسلم لیگ (ن) نا کنڈآن شہباز شریف آ بے پتی ءِ۔ چارشنبے نادے آ تینا ٹویٹ اٹی اوپارے کہ ہراتم اسکان شہباز شریف نا مار سلمان شہباز و سالم علی عمران پدی برسا بدعنوانی نا دوبہ غاتا ورندی ءِ تفسہ او ذہنی دباؤ ٹی مریک۔ ڈاکٹر فردوس عاشق اعوان پارے کہ گلوبٹ نا سرپرست آتا باہ آن ریاستی دہشت گردی نا ہیت بھلو مسخرہ اسے، مسلم لیگ (ن) نا سرکڑدہ تینا دورحکومت اٹ ماڈل ٹاؤن لاہور اٹی مروک آ بد ترین انگا دہشت گردی ءِ شاید گیرام کرینے۔ ڈاکٹر فردوس عاشق اعوان پارے کہ ماڈل ٹاؤن سانحہ ٹی اوار عنصر آک داسہ عدالت آتون مون تننگ ءُ و الس آ سم تا برسات کروک آ تے اللہ ہلنگ اٹی ءِ۔
