اسلام آباد۔ 03جولائی (اے پی پی) حکومت مچ آ ملک اٹ رہینگوک آ 14لکھ رجسٹرڈ اوغان باہوٹ آتا اڈ کننگ نا مد اٹ یکم جولائی 2019ء آن 30 جون 2020 ء اسکان اسہ سال انا عارضی وڑاٹ ودکی کرینے وخت اس کہ اوغان شہریت نا کارڈ تخوک آ 8 لکھ شست ہزار باہوٹ آتا اڈ کننگ نا مد اٹ چار تُو انا ودکی کننگانے۔ وزارت سیفران نا کمامدارآتارداٹ 14لکھ رجسٹرڈ اوغان باہوٹ ہرا جہانی پناہ گزین آتا ادارہ یو این ایچ سی آر تون رجسٹر ڈ ءُ و پی او آر کارڈ اوفتے تون ارے نا اڈ کننگ نا مد اٹ یکم جولائی آن بروک آ سال 30 جون اسکان عارضی وڑاٹ ودکی کننگانے۔ داکان مست تدوک آ حکومت ہم پنچ سال اٹی رجسٹرڈ اوغان باہوٹ آتا اڈ کننگ نا مد اٹ مرحلہ وار ودکی کرسا کننگانے۔ کمامدارآتارداٹ سیفران، اوغانستان نا سفارت خانہ نادرا نا کمک اٹ پاکستان اٹی غیر رجسٹرڈ اوغان باہوٹ آتے رجسٹرڈ کرے و اوفتے اوغان شہریت نا کارڈ جوڑ کرینے تسنے ہرافتا کچ 8 لکھ شست ہزار ءِ۔ حکومت اوغان شہریت نا کارڈ ہولڈر آتا اڈ کننگ نا مد اٹ چار تُو انا توسیع کرینے۔

متعلقہ مضامینمصنف کی طرف سے مزید