اسلام آباد۔ 03جولائی (اے پی پی) الیکشن کمیشن سیاسی جماعت آتیان مالی سال 2018-19 ء نا حساب آتا گوشوارہ ءِ 29 اگست اسکان بٹنگانے۔ الیکشن کمیشن نا کنڈآن جاری مروک آ بیان اٹی پاننگانے کہ دا گوشوارہ غاتے ٹی سالانہ کٹیا، خڑچ و میرات آتا بابت غٹ سرجم آک بایدے مریر، و الیکشن کمیشن ایکٹ نا رداٹ غٹ سیاسی جماعت آک تینا کٹیا و خڑچ آتا گوشوارہ غاتے الیکشن کمیشن اٹ جمع کرفنگ نا بندی ءُ۔ مالی حساب آتا گوشوارہ چارٹرڈ اکاؤنٹنٹ آن بایدے آڈٹ کروک مریر و اونا کنڈآن پارٹی عہدیدار ءِ دا سرٹیفکیٹ ءِ ہم تننگک کہ پارٹی کن الیکشن ایکٹ نا رداٹ ممنوعہ ذرائع سے آن دوئی کروک ہچ ءُ فنڈ اس وصول کننگتنے۔ دا گوشوارہ غاتے الیکشن ایکٹ 2017 ء نا رداٹ دوئی فارم ڈی آ بایدے مرتب مریر۔ دا فارم ڈی الیکشن کمیشن سیکرٹریٹ اسلام آباد و پنجاب، سندھ، خیبر پختونخوا و بلوچستان اٹی صوبائی الیکشن کمشنر آتا دفترآتیان مفت ملک۔
