اسپیکر قومی اسمبلی اسد قیصر ءِ گوماروس ءِ اسٹیٹ ڈوما ءِ چیئرمین ولو دین وائیا ءِ گند ءُُ نند

ماسکو۔ 2 جولائی (اے پی پی)سپیکر بنجاہی اسمبلی اسد قیصر ءِ گومااسٹیٹ ڈوما ءِ چیئرمین ولو دین وائیا ءَ ماسکو ءِ تہ برجمیں ”پارلیمانی نظام ءِ دیمروئی“ ءِ موضوع ءِ سرا برجمیں کانفرنس ءِ موہ ءِ سرا گند ءُُ نند کتگ ایشی ءِ تہ دودیمی سیادی،خطہ ءِ دیمروئی ءِ ھوار وت مہ وتی دلچسپی ءِ معاملہانی ھوار ھاسیں کارانی سرا ھیال ریچی کنگ بوتگ۔گند ءُُ نند ءِ ساعت ءَ اسپیکر راجی اسمبلی ءَ گوشت کہ پاکستان روس ءِ گوما وتی پارلیمانی،سفارتی،بیئپاری سیادی ءَ را گیش پراھ کنگ ءِ واھگدار انت۔اسد قیصر ءَ پاکستان ءُُ روس ءِ میان ءَ اقتصادی ءُُ سرمایہ کاری ءِ تک ءِ تہ کمک ءَ را دراجی دیگ ءِ ھاترا یکجاھیں پارلیمانی کمیشن جوڈ دیگ ءِ صلاح داتگ۔آہاں گوشت کہ پاکستان ءِ استیں حکومت ءِ سرمایہ کاردوست پالیسی آنی سبب سرمایہ کاری ءِ موہ ءِ تہ ودکی بوتگ۔ایشاں گوں روس ءِ سرمایہ کار پائدگ ءَ چست کت کن انت۔ اسد قیصر ءَ گوشت کہ خطہ ءُُ میاں اوستمانی امن ءِ ودکی،چاگردی ءُُ معاشی ءُُ ہیومین ریسورسز ءِ دیمروئی ءِ ھاترا پارلیمانی کانفرنسز ءِ برجمداری ءِ صلاح داتگ۔آہاں گوشت کہ پاکستان ءِ تہ صنعتی دیمروئی ءِ ھاترا روس ءِ کمک ءَ گوں جوڈ کتگیں اسٹیل مل ملکی دیمروئی ءِ تہ ھاسیں کردادا کنگ انت۔بیئپار،سرمایہ کاری،گواتی سیکیورٹی،دفاع،ربیدگ ءُُ تعلیم ءِ تک ءِ تہ دوئیں ملکانی تہ کمک ءِ پراھی ءِ ضلورت انت۔اسپیکر ءَ گوشت کہ دوئیں ملکانی میان ءَ خطہ ءِ درپیش جیڈھ ایشی ءِ تہ ناشرکاری ءِ ھلاسی،انسانی ءُُ نشہ ءِ شپوکی ءِ گرودار ءُُ چاگردی ءُُ اقتصادی تک ءِ دیمروئی ءِ ھاترا دودیمی کمک ءَ پراھی دیگ االم انت۔ اسد قیصرءَ گوشت کہ پاکستان ءِ راجی اسمبلی ءُُ روس ءِ اسٹیٹ ڈوما ءِ میان ءَ وشیں سیادی انت،سپیکر قومی اسمبلی ءَ چیئرمین اسٹیٹ ڈوما ءِ "پارلیمانی نظام ءِ دیمروئی” سرا سوبمندیں کانفرنس ءِ برجمداری ءِ سرا مرادباتی داتگ۔اسپیکر قومی اسمبلی ءُُ روس ءِ پارلیمنٹ اسٹیٹ ڈوما ءِ چیئرمین ءَ دودیمی بیئپارءُُ سرمایہ کاری ءِ پراھی ءِ ھاترا مزن تکی کمیشن جوڈ کنگ ءِ سرا تپاک کتگ۔