اسلام آباد۔مزن وزیر عمران خان ءَ گشتگ کہ شپوکی ءَ ملکءِ معیشت ءَ را سک باز نقصان داتگ، صنعتی عمل ءَ را گیش کنگءِ ھاترءَ حکومتءَ شپوکی ءَ را گرء ُدارکنگءِ رھبند جوڑ کتگ۔ آئیءَ اے گپ دوشمبے ءِ روچءَ شپوکی ءِ گرء ُ دارکنگءِ ہوالگءَ مزن تکءِ دیوانءَ گوں گپء ُتران کنانءَ کتگ۔ دیوان ءَ تہی کرانی وزیر برگیڈئیر (ر) اعجاز احمد شاہ، مشیر خزانہ ڈاکٹر عبدالحفیظ شیخ،بیپاری ءِ صلہ کار عبدالرزاق داؤد، حاسیں کمک کار ڈاکٹر فردوس عاشق اعوان، آرمی چیف جنرل قمر جاوید باجوہ، ڈی جی آئی ایس آئی،تئی کارانی سیکرٹری میجر(ر) اعظم سلیمان، سیکرٹری کامرس احمد نواز سکھیرا، چیئرمین ایف بی آر شبر زیدی، چیف سیکرٹری خیبرپختونخواہ، چیف سیکرٹری بلوچستانء ُ دگہ سینئر ملٹری ء ُ سویلین افسر ہوار بوتگ اَنت۔ مزن وزیرءَ گشتگ کہ ملک ءَ را واماں چہ آزا د کنگءَ المی اِنت کہ یک نیمگءَ کشتء ُ کشاریءَ را دیمروئی دیئگ بہ بیت ء ُ دومی نیمگءَ صنعتی پڑءَ را ہم دیمروئی دیئگ بہ بیت۔
