پنجاب آن تعلق تخوک آ اسمبلی نا باسک آتا وزیراعظم تون اوڑدہی ن لیگی سرکڑدہ ہی نا برخلاف بغاوت ءِ
اسلام آباد۔ 01جولائی (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ مغلیہ شاہی خاہوت نا برخلاف علم بغاوت نا مطلب پوسکن آ پاکستان نا قافلہ، نظریہ و سرکڑدہ ہی آ پت ءِ، رانا ثناء اللہ نا تینا صف آتے ٹی بغاوت نا اعتراف ن لیگ نا سیاسی مورچہ ٹی پیدوار شگاف نا شاہدی اسے۔ دوشنبے نادے آ تینا ٹویٹ اٹی اوپارے کہ پنجاب آن تعلق تخوک آ اسمبلی نا باسک آتا وزیراعظم تون اوڑدہی ن لیگی سرکڑدہ ہی نا آمرانہ سوچ، شاہانہ مزاج و سیاسی لمیٹڈ کمپنی نا برخلاف بغاوت ءِ، دا باسک آک میراتی غلامی کن تیار افس۔ اوپارے کہ مسلم لیگ تون نئے بیانیہ اس ارے و نئے سرکڑدہ ہی اس۔ خصوصی کمکار پارے کہ جمہوریت وآئین نا بالادستی کن کوک و واتوڑ کروک آتا باہ آن مڈٹرم گچین کاری نا ہیت ہراجمہوریت ءِ۔ اوپارے کہ پاکستان نا آخبت تون گوازی کروک آتا آخبت تہار مسنے۔
