اسلام آباد۔ 01جولائی (اے پی پی) بنجائی وزیر ہوابازی غلام سرور خان پارینے کہ پی آئی اے اولیکو وار کوئٹہ غان ہم حج آپریشن نا بناءِ کننگ ءِ ہرا ستاکڑزک۔ دا ہیت ءِ او دوشنبے نادے آ اسہ حوال اسے ٹی پارے۔ حوال اٹی پاننگاکہ حج آپریشن 4جولائی آن بناکننگ ءِ۔ پی آئی اے نا بال کروک آ جہاز آک 5 اگست 2019 ء اسکان سعودی عرب آ کارہ۔ حج آن پد 17اگست آن 14 ستمبر 2019ء اسکان پی آئی اے نا جہاز آک وطن آ پدی بریرہ۔ پی آئی اے حج آپریشن کن 294 بال کروک آ جہاز آتا بست و بند ءِ کرینے ہراٹی 201 جہاز آتے ٹی 777B کاریم اٹ بریک و 94جہاز آتے کن 320-A کاریم اٹ اتنگک۔ دا چرجوئی ٹی پی آئی اے مدینہ کن 86 جہاز و جدہ کن 208 جہاز آتا بست و بند ءِ کرینے۔ پی آئی اے نا سروس 78258 حاجی تے کاریم اٹ اتیک۔ حج آپریشن اٹی اسلام آباد آن 46جہاز 13171حاجی تے حج مبارک آ دیک۔ کراچی آن 62جہاز 19745حاجی، لاہور آن 51جہاز 15562حاجی، پشاور آن 29 جہاز 10446حاجی، سکھر آن 12 جہاز 4358حاجی، ملتان آن 21جہاز 5077 حاجی، فیصل آباد آن 17 جہاز 1,549 حاجی، کوئٹہ غان 65جہاز8350 حاجی تے حج مبارک آ دیرہ کارہ۔ کوئٹہ، سکھر، رحیم یار خان و سیالکوٹ اٹی پی آئی اے آن بیدس پین ہچ گس ایئر لائن ءِ آپریٹ کننگ اٹی اف۔ سکھر و رحیم یار خان آن کراچی کن خاص فیڈر جہاز آتے ہم بال تننگک۔ خاص ءُ کن و خور و ٹیکی ہم حاجی تے تننگک۔ ویلفیئر سٹاف ءِ دہ پرسنٹ ڈسکاؤنٹ تننگک۔ حاجی تے 35کلونا فری پیکج الاؤنس تننگک، داکان بیدس حج آن پد پنچ لیٹرز زم زم بوتل ہم تننگک، پی آئی اے نا اسکاؤٹ آک سعودی بالی پٹ آتیا حج آپریشن کن ساڑی مریرہ۔ اسلام آباد، لاہور، سکھر، کراچی و پشاور آن بنائی جہاز آک 5جولائی آ مریرہ۔ 6جولائی آ جہاز آک چلینگرہ و 27 مئی آ رحیم یار خان آن بنائی جہاز چلینگک۔ بنجائی وزیر ہوابازی غلام سرور خان روڈ ٹو مکہ پروجیکٹ نا رداٹ اسلام آباد ایئر پورٹ آ 10 سعودی امیگریشن کاؤنٹر نصب کننگ آ سعودی ڈل انا منت واری ءِ ہرفے۔ سعودی امیگریشن سسٹم ایئر پورٹ نا ڈیپارچر لاؤنج اٹ خلنگانے۔ بنجائی وزیر پیدوار کرے کہ داڑکن اسہ خاص ءُ لاؤنج اس وقف کننگانے۔
