اسلام آباد۔ 01جولائی (اے پی پی) قومی احتساب بیورو (نیب) راولپنڈی سیلف جنریٹڈ فنڈ لوک ورثہ ٹی نغڑدنگ اٹ اوار مسکوہی چیف ایگزیکٹو آفیسر میسرز کاسموس پروڈکشن پرائیویٹ لمیٹڈ سینیٹر روبینہ خالد، مسکوہی ایگزیکٹو ڈائریکٹر لوک ورثہ اسلام آباد مظہر الاسلام، چیف ایگزیکٹو ڈائریکٹر میسرز کاسموس پروڈکشن پرائیویٹ لمیٹڈ ڈاکٹر تا بندہ ظفر نا برخلاف بدعنوانی نا ریفرنس اس دا ئر کرینے۔ جاست وپاست اٹی معلوم مسنے کہ مسکوہی ایگزیکٹو ڈائریکٹر لوک ورثہ اسلام آباد مظہر الاسلام تینا اختیار آتے ناروا کاریم اٹ اتسا دوبہ دار مسکوہی چیف ایگزیکٹو آفیسر میسرز کاسموس پروڈکشن پرائیویٹ لمیٹڈ سینیٹر روبینہ خالد و چیف ایگزیکٹو ڈائریکٹر میسرز کاسموس پروڈکشن پرائیویٹ لمیٹڈ ڈاکٹر تابندہ ظفر تون اوار مرسا ٹھیکہ غاتے ٹی غیر کانودی وڑاٹ ودکی کریر۔ ہندا دوبہ دار آتے پوسکن آ ٹینڈر و مسابقت تننگ آن بیدس معاہدہ غاتے ٹی ودکی کرسا غیر کانودی فائدہ تننگا و او کٹیا کروک 50 درسد کٹیا ءِ ہم جمع کرفنگ اٹ بے سہب مسر ہراڑان قومی خزانہ ءِ 30.13ملین روپئی نا نسخان رسینگا۔ احتساب عدالت اسلام آباد اٹی نیب انا انویسٹی گیشن آفیسر افشاں بشارت دا بدعنوانی نا ریفرنس ءِ دا ئر کرینے۔
