اسلام آباد۔ 30 جون (اے پی پی)ھزانگءِ صلاحکار عبدالحفیظ شیخ ءَ گوشت کہ پاکستان ءِ تہ اولی رند ءَ دراھیں ادارگاں ھوار بوت اے پیسلہ کت کہ دفاعی بجٹ ءِ تہ ودکی مہ کنگ بیت ءُُ سول ادارگہانی ھرچانی تہ50ارب کلدار ءِ کمی کنگ بیت۔آوکیں مالی سال ءِ بجٹ ءِ تہ پدمنتگیں ءُُ نزورءِ تبک ءِ دیمروئی ءِ سرا ھاسیں دلگوشی دیگ بوتگ۔ 29سد ارب کلدار وامانی سرا سود ءِ مد ءَ دیگءِ انت۔ گریڈ 20چہ برزی سرکاری افسران ءُُ سلاھ بندیں اردو ءِ جرنیلانی پگھارانی تہ ودکی مہ کتگ۔ٹیکسانی ٹارگٹ 55سدارب کلدار ایر کتگ انت ایشی ءِ وصول ءِ ھاترا دراھیں ھوار بوت کوشش کن انت۔اُلس ءِ اسراتی ءِ ھاترا مڈیانی پدرائی ءِ سکیم ءِ تہ 3جولائی ءِ تاں پراھی کنگ بوھگ انت وھدیکہ مزن وزیر عمران خان ءِ ھاسیں کمار برائے ھالرسانی ءُُ شنگکاری ڈاکٹر فردوس عاشق اعوان ءَ گوشت کہ ملکی راج دپتر ءِ اولی فلاحی بجٹ استیں حکومت ءِ نیمگا چہ پیش کنگ بوتگ۔مزن وزیر ءِ وژن ءِ ردا بجٹ تجاویز ءِ سرا عمل کنگ ءَ پہ تیار انت، حکومت ءَ معاشی گہترکاری ءِ ایجنڈہ پارلیمنٹ چہ منظور کتگ۔آں یک شمبے ءَ پریس انفارمیشن ڈیپارٹمنٹ ءِ تہ پریس کانفرنس ءَ گوں تران کنگ ات اے موہ ءِ سرا وزیر انچارج برائے ھزانگ حماد اظہر ءُُ چیئرمین ایف بی آر شبر زیدی ھم ساڑی اتنت۔
