اسلام آباد۔ 30 جون (اے پی پی) مزن وزیر ءِ ھاسیں کمکار برائے ھالرسانی ءُُ شنگکاری ڈاکٹر فردوس عاشق اعوانءَ گوشت کہ استیں حکومت ءَ ملکی راج دپتر ءِ اولی اُلسی ءُُ فلاحی بجٹ پیش کتگ ہمہ کہ پاکستان ءِ مہلوک ءِ فلاح ءُُ بہبود ءُ ملکی دیمروئی ءُُ وشھالیءِ ھاترا مزن وزیر عمران خان ءِ وژن ءِ عکاس انت۔آہاں اے ھیالانی درشان یک شمبے ءَ ادا پوسٹ بجٹ پریس کانفرنس ءَ گوں تران کنان ءَ کتگ ات۔ ڈاکٹر فردوس عاشق اعوانءَ گوشت کہ زی پارلیمان ءَ اولی اُلسی ءُُ فلاحی بجٹءِ منظوری داتگ ات ایشی ءِ تہ اقتصادی گہترکاری ءِ ٹارگٹ ءَ را ھم ھوار کتگ، بجٹ ءِ منظوریءِ پدا ایشی ءِ سرا وڈ ءُُ پیم ءِ ھاترا حکومت ءِ اقتصادی ٹیمب ءُُ دراھیں ادارگ ھواری ءَ کار کنگ ات۔آہاں گوشت کہ اُلس ءِ فلاح ءُُ بہبود ءُُ ملکی دیمروئی ءُُ وشھالی ءِ ھاترا مزن وزیر عمران خان ءِ ایجنڈہ ءَ را اے بجٹ ءِ بنجاہی نقطہ جوڈ کتگ، پاکستان تحریک انصاف ءِ منشور ءِ ردا ملکی پائیدار ءِ دیمروئی ءُُ ادارگہانی گہبودی استیں حکومت ءِ بنیاتی ایجنڈہ انت۔آہاں گوشت کہ اُلس ءِ فلاح ءُُ بہبود ءِ ھاترا مزن وزیر عمران خان ءِ وژن ءَ را دیما برگ ءِ تہ میڈیا ءُُ دراھیں اسٹیک ہولڈرزحکومت ءَ گوں ھوار کمک ءَ کن انت۔ڈاکٹر فردوس عاشق اعوانءَ گوشت کہ نوکیں مالی سال ءِ بجٹ ءِ تہ ملکءِ دیمروئی ءُُ اُلسی فلاح ءُُ بہبود ءَ را بجٹ حکمت عملی ءِ بھر جوڈ کتگ ہمہ کہ وش اتک انت۔آہاں گوشت کہ معیشت ءَ را کاگدی دروشم دیگ بوھگ انت ایشی ءِ شریں اثر دیما کائینت ءُُ اے منی لانڈرنگ ءِ ھلاسی ءِ تہ ھم کمکار پدر بیت۔ ڈاکٹر فردوس عاشق اعوانءَ گیش گوشت کہ مزن وزیر عمران خان ءَ ہروھد راستیں گپ کتگ ات۔
