اسلام آباد۔ 30 جون (اے پی پی) بنجاہی وزیر سائنس و ٹیکنالوجی چوہدری فواد حسین ءَ گوشت کہ مسلم لیگ نواز ءِ تہ ناکو ءُُ برات زاخت ءِ جنگ چلگ انت،گل ءِ تہ مریم نواز ءِ گپ ھلگ انت،شہباز شریف فضل الٰہی ءُُ رفیق تارڑ جوڈ بوتگ ات، ایشانی گل ءِ تہ ھم کسے گوش مہ دیگ انت۔نابود ھاندان وت مہ وتی جنگ ءَ کنگ انت۔بلاول بھٹو ءُُ شہباز شریف ایوان ءِ تہ مزن وزیر ءَ را سلیکٹڈ گوشگ وش بوتگ ءُُ مہ بجٹ منظور کنائینتگ۔ اپوزیشن گل نوں جتا بوتگ ات۔مزن وزیر ءَ گوں گند ءُُ نند کنوکیں مسلم لیگ نواز ءِ 12باسکانی لڑ زوت شنگ کنگ بیت،6ماہ ءِ پدا پاکستان ءِ معاشی جاور بدل بنت،عمران خان ءِ راھشونی ءِ تہ پاکستان ءِ تہ بیوکیں دیمروئی چہ مردم1960ءِ دھگ ءَ شموش انت۔یک شمبے ءَ وزارت سائنس و ٹیکنالوجی ءِ تہ پریس کانفرنس چہ تران کنان ءَ چوہدری فواد حسین ءَ گوشت کہ امریکا ءُُ اوگانستان ءِ گوما سیادی ءِ تہ باز گہتری اتکگ۔یورپی یونینءِ گوما 25سال ءِ پدا سائنس و ٹیکنالوجی ءِ تہ رھوت بحال بوتگ ات۔ افغانستان ءِ شہر قندھار ءِ تہ کامسیٹس یونیورسٹی ہڈ دیگ اوں،افریقا ءِ تہ ھم اے یونیورسٹی ہڈ دیگ بیت۔آہاں گوشت کہ معیشت ءَ را دیم اصل چیلنج ٹیکس وصولی انت۔ معیشت ءِ ھوالہ چہ شریں حال رسگ انت۔ڈنی محاذ سرا ھم شریں حال آھگ انت اے پاکستان ءِ ھاترا شریں وھدیکہ اپوزیشن ءِ ھاترا ردیں حال انت۔آہاں گوشت کہ شہباز شریف قائد ھزب احتلاف ءِ ابید دراھیں کمیٹی چہ دزکشی داتگ آں کدی ھم بحران ءُُ اپوزیشن ءِ وھدانی لیڈر پدر مہ بوتگ ات،آں گرانیں وھد ءِ لیڈر نیست انت۔
