راولپنڈی ۔ 28 جون (اے پی پی) پاک فوج ءِ سروک جنرل قمر جاوید باجوہ ءَ گوشت کہ دراج بُریں سیت آنی در جنگ ءِ واستہ مشکلیں ءُُ بزانت داریں پیسلہ کتگ، حکومت ءِ مشکلیں پیسلہ آناں کامیاتی ءِ سیم سر آناں سر کنگ ءِ واستہ درستاناں یک جاھ بوھگ ءُُ زمہ واری پیلو کنگی انتت، آ نیشنل ڈیفنس یونیورسٹی ءَ راجی معیشت ءِ بن گپ ءِ سر ءَ سیمینار ءَ گوں تران کنان ءَ کت ۔ پاک اُرد ءِ شوبگ (آئی ایس پی آر) ءِ رد ءَ سیمینار ءَ ڈی جی آئی ایس پی آر میجر جنرل آصف غفور ءُُ مشیر ھزانگ عبدالحفیظ شیخ ءَ ھوار معاشیات زانتیں کلانہ ایں مردم شریک اتنت ۔ جنرل قمر جاوید باجوہ ءَ گوشت کہ راجی ارزشت ءِ کار آنی سر ءَ گپ ءُُ تران المی ایں ، حکومت ءُُ ایندگر سٹیک ہولڈر آنی راجی ارزشت ءِ جیڈھ آنی سر ءَ گپ ءُُ تران ضلوری انت، ملک معاشی جاور آں گوں دیم پہ دیم انت، گوستگیں وھد ءَ پیسلہ نہ کنگ ءِ سبب ءَ مشکل گیش بوتگ اَنت، گوستگیں وھد ءَ ما سکیں پیسلہ آناں کنگ ءَ ترس اِتگ ۔ جنرل قمر جاوید باجوہ ءَ گوشت کہ پڑ ءِ دیمروئی ءِ واستہ دمگی رابطہ آنی دیمروئی دیگ لوٹ ایت، ملک ناں بلکینگ ءَ پڑ دیمروئی کناں ، مشکل پیسلہ کنگ ءَ چہ جتا جتائیں ملک معاشی تاوان ءَ چہ کامیاتی ءَ گوں گر ءُُ چیل ، زوتیں گوستگیں وھد ءَ اے رنگیں درور است انت وھد ءِ بازیں ملک اے رنگیں چیلنجز آں گوں دیم پہ دیم بوتگ اَنت، معاشی کوشت آناں کامیات کنگ ءِ واستہ درستاناں زمہ واری پیلو کنگی انت، انشاء اللہ ما زوت اے مشکلاں چہ وش نامی ءَ درکپاں ۔
