دروگ بندوک آنی سر ءَ اللہ پاک ءِ لعنت، حکومت ءَ 1500 ارب کلدار اِناں ، 550 ارب کلدار ءِ نوکیں ٹیکس جتگ
اسلام آباد ۔ 28 جون (اے پی پی) وزیر ءِ مملکت برائے ریونیو حماد اظہر ءَ گوشت کہ اے گوشگ شر نہ انت کہ حکومت 1500ارب کلدار ءِ نوکیں ٹیکس جتگ، ما 550ارب کلدار ءِ ٹیکس جتگ، مزن وزیر گس ءِ بجٹ ءَ 12 درسد کمیگ اتکگ ۔ آدینگ ءِ روچ ءَ راجی اسمبلی ءَ وزیر ءِ مملکت حماد اظہر ءَ زاتی نکتہ ءِ سر ءَ چمشانک دیان ءَ گوشت کہ دروگ بند آنی سر ءَ اللہ پاک ءِ لعنت ، ما 10ہزار ارب سٹیٹ بنک ءِ وام نہ زرتگ ۔ جون 2018ءَ گوستگیں حکومت آنی وام 31ہزار ارب ءَ تاں سر بوتگ اَنت ۔ گوزوکیں سال ءَ استیں حکومت ءَ 950ارب ڈالر ءِ وام ادا کتگ ۔ مئے درور ءُُ باریگ ءَ ایوک ءَ ڈنی وام 2;46;7ارب ڈالر ءِ وام زرتگ ۔ آئی ءَ گوشت کہ اے وڑ گوشگ شر نہ انت کہ 1500ارب کلدار ءِ ٹیکس جتگ چوکہ ما 550ارب کلدار ءِ ٹیکس جتگ ۔ ما وام آنی کساس ءِ تہ ءَ گوستگیں سال ءِ رد ءَ پنچ درسد کمی کتگ ۔ مزن وزیر گس ءِ ھرچ ءُُ درچ آنی تہ ءَ 98کروڑ ءَ چہ کم کنان ءَ ایشی ءِ بجٹ ءِ تہ ءَ 12درسد کمکی کتگ ۔ اے جنرل جیلانی ءِ وھد ءُُ زمانگ نہ انت ۔ اپوزیشن اے وڑ مہ کنت ۔
