اسلام آباد ۔ 27 جون (اے پی پی) صدر مملکت ڈاکٹر عارف علوی ءَ اوگان صدر اشرف غنی ءِ ایوان صدر ءَ پجگ ءِ پد ءَ وش اتک کت ۔ صدر مملکت ءَ پنچ شمبے ءَ بیگاہ ءَ اوگان صدر ءِ آیگ ءِ پد ءَ ایوان ءِ صدر ءِ مزنیں در ءِ دپ ءَ جوانی ءَ وش اتک کت ۔ دود ءُُ ربیدگی پوشاک ءِ تہ ءَ دو زھگ آں اوگان صدر ءَ را پُل آنی ساچی دات ۔ وزیر ، مشیر، کلانہ ایں کارندہ ءُُ کاروباری برات آں ھوار مزن تکی ڈل آنی ھمبراھی ءَ دوئیں سروک آنی نیام ءَ ڈلی تک ءَ گند ءُُ نند بوت ۔ اوگان صدر اشرف غنی مزن وزیر عمران خان ءِ دعوت ءِ پد ءَ دو روچی سرکاری تر ءُُ تاب ءِ ھاترا پاکستان ءَ اتکگ ۔ ایشیءَ پیسر مزن گس ءَ پج ات اوگان صدر ءَ را سئیں سلاھ بندیں ارد آں گارڈ آف آنر پیش کت ۔ مزن وزیر عمران خان ءَ گوں اوگان صدر ءَ را ون آن ون گند ءُُ نند کت ءُُ ایشی ءَ ابید ڈلی تک ءَ سول ءُُ تران کنگ بوت ۔
