اسلام آباد-27جون (اے پی پی ) اوگان صدر اشرف غنی ءِ شرپءَ ایوان مزن وزیر ءَ پنچ شمبے ءِ روچءَ وش اَتکی مراگشے بوتگ ۔ مزن وزیر عمران خانءَ ایوان مزن وزیرءِ بنجاہی دروازگءَ آئیءَ را وش اَتک کتگ ۔ مراگشءِ بنداتءَ دوئیں ملک آنی راجی سوت توار گیجگ بوتگ اَنت ۔ سلاہ بندیں ورناہ آں اوگان صدرء را سلامی پیش کتگ ۔ اوگان صدرءَ گارڈ آف آنر ءِ تپاسی کتگ ۔ مزن وزیر ءَ وتی کابینہ ءِ باسکاں گوں اوگان صدرءِ پجار کتگ وہدے کہ اوگان صدرءَ وتی ڈلءِ باسکاں گوں مزن وزیرءِ پجار کتگ ۔ ایشیءَ پد دوئیں راہشوناں دو پہ دوئیءَ گندء ُ نندکتگ ۔
