اسلام آباد ۔ 27جون (اے پی پی) اقوام متحدہ ءِ کمیشن برائے انسانیت ءِ ہائی کمشنر روبینہ علیءَ گشتگ کہ پاکستانی زالبول ملکءِ چاگردی ء ُ اقتصادی دیمروئی ءَ بنکی کرد پیلو کت کناں ، زالبولانی دیمروئی ءِ ھاترءَ گامگیج چست کنگ بیت تنکہ آ چاگرد ءَ وتی کردءَ پیلو بہ کن اَنت ۔ روبینہ علی ءَ اے گپ اسلام آباد ویمن چیمبر ءِ یک مراگشے ءَ تران کنانءَ کتگ ۔ آئیءَ گشتگ کہ بیپار زالبولاں بے سوت وام دیءگ بیت تانکہ آ وتی بیپاری ءَ دیما بُرت بہ کن اَنت ۔ اے موہءَ ثمینہ فاضل ءَ گشتگ کہ زالبولاں وت واک کنگ ءَ کمک کنگ بیت ۔ مراگشءَ ایف پی سی سی آئی ءِ صدر داروخان اچکزئی ء ُنائب صدر اعجاز عباسی ہم ساڑی بوتگ اَنت کہ آیاں ویمن چیمبر ءَ را دادء ُ سلام پیش کتگء ُ بنجاہی چیمبر ءِ نیمگءَ چہ ہرچ وڑیں کمک ءِ اوست داتگ ۔
