اوگان صدر اشرف غنی پاکستان ءِ 2روچی ترء ُتاب ء َ اسلام آبادءَ سربوتگ
اسلام آباد ۔ 27جون (اے پی پی ) اوگان صدر اشرف غنی ءَ را مزن وزیر عمران خان ءَ پاکستانءِ ترء ُتاب کنگءِ دعوت داتگ ، آ پنچ شمبے ءِ سھبءَ پاکستان ءِ دوروچی سرکاری ترء ُتابءَ سربوتگ ۔ اوگان وزیر، سینئر عہدگ دار ء ُ بیپاری مردماں ہوار مزن تک ءِ ڈل ہم آئی ءِ ہمراہ اَنت ۔ دری کارانی کارگس ءِ جارچین ءِ نیمگءَ جاری بیانء َ گشگ بوتگ کہ اوگان صدر وتی تر ءُ تاب ءَ صدر ڈاکٹر عارف علوی ءَ گوں گندء ُمزن وزیر عمران خان ءَ گوں ڈلی تکءَ سولء ُتران کنت ۔ صدر اشرف غنی لاہورءِ ترء ُتابءَ کنت ۔ اے اوگان صدر ءِ پاکستانءِ سئمی ترء ُتا ب اِنت ۔ پاکستان ایکشن پلان ءِ اولی تپاسی دیوان ءَ پد اے ترء ُتاب کنگ بوہگءَ اِنت ۔
