اسلام آباد ۔ 27 جون (اے پی پی) بنجاھی وزیر آپی آسراتی فیصل واوڈا ءَ گوشت کہ اوگانستان ءِ صدر اشرف غنی ءِ پاکستان ءِ تر ءُُ تاب ءَ چہ دوئیں ملک آنی نیام ءَ نوکیں در آنی بنگیج بیت، حکومت ءَ را الس ءِ مشکلیں وھد ءِ سما انت بلے درستیں پیسریگیں حکومت آنی کار پد آنی سبب اِنت، چیئرمین سینیٹ صادق سنجرانی وتی سیٹ ءِ سر ءَ بیت، اپوزیشن ءِ مزنیں مردم آنی واستہ جیل ءِ وھد اتکگ سر بوتگ ۔ پنچ شمبے ءِ روچ ءَ پارلیمنٹ گس ءِ ڈن ءِ میڈیا ءَ گوں تران کنان ءَ بنجاھی وزیر ءَ گوشت کہ اوگانستان ءِ صدر اشرف غنی ءِ تر ءُُ تاب پاکستان ءِ سک باز ارزشتی انت، ایشی ءَ چہ دوئیں ملک آنی نیام ءَ نوکیں کشک ءُُ در آنی بنگیج بیت، پاکستان پڑ ءِ ایمنی ءِ واھشت ایگ انت وھدیکہ اوگانستان ھم پڑ ءَ اینی ءِ ھوالگ ءَ وتی کرد ءَ پیلو بکنت ۔ آئی ءَ گوشت کہ شہباز شریف ءُُ مریم نواز شریف یکیں بن گپ ءِ سر ءَ نہ اَنت، دوئیں جتا جتا وتی مول ءُُ مراد آنی ھاترا چست ءُ ایر ءَ انت ۔ یک جستے ءِ پسو ءَ بنجاھی وزیر ءَ گوشت کہ چیئرمین سینیٹ محمد صادق سنجرانی وت جاھ ءَ بیت وھدیکہ حکومت وتی وھد ءُُ پاس ءَ ھم سرجم کنت ۔
