اسلام آباد ۔ 27 جون (اے پی پی) مزن وزیر ءِ ھاسیں کمکار برائے اھوالکاری ءُ شنگ کاری ڈاکٹر فردوس عاشق اعوان ءَ مزن وزیر عمران خان ءَ گوں دمگی سلامتی، رابطہ ءُُ ایمنی ءُُ برجائی ءِ وژن ءِ چیر دستی ءَ اوگان صدر ءِ پاکستان ءِ تر ءُُ تاب ءَ را ارزشتی نامینان ءَ گوشت کہ پاک ۔ اوگان سول ءُُ تران ءِ ساھت ءَ ٹرانزٹ ٹریڈ، دمگی روگ ءُُ آیگ، پڑ ءَ ایمن ، ءُُ سلامتی ءُُ برجائی ءَ ھوار دراج بُریں کار آنی ءَ سر ءَ سرج میں تران بوت ءُُ نوکیں گامگیج ءِ ضلورت آناں ھم سہرا کنگ بوت، پاکستان اوگانستان ءِ گوما وتی برآمد ءِ کساس ءَ را 3ارب ڈالر ءَ تاں گیش ودینگ لوٹ ایت، اوگان صدر ءِ دونیمگی یکوئی راستیں کشک ءَ جنزگ ءِ بن گام سہرا بنت، مزن وزیر عمران خان ءِ سروکی ءَ پاکستان دگنیا ءِ گوما جوانیں رابطہ آنی دیمروئی دیگ ءَ انت، دمگی رابطہ اے رچ ءِ بنداتی گام اَنت ۔ آ پنچ شمبے ءِ روچ ءَ اوگان صدر اشرف غنی ءِ پاکستان ءِ تر ءُُ تاب ءِ ھوالگ ءَ میڈیا ءَ گوں ھاسیں تران کنان ءَ کت اَنت ۔ اوگان صدر اشر ف غنی مزن وزیر ءِ داتگیں دعوت ءِ پد ءَ پاکستان ءِ دو روچی تر ءُُ تاب ءَ انت ۔ آئی ءَ مزن وزیر عمران خان ءَ گوں ون آن ون گند ءُُ نند کت ءُُ ڈلی رد ءَ سول ءُُ تران کت ایشی ءِ تہ ءَ دو نیمگی یکوئی ءُُ پڑ ءِ جاور ھال آنی سر ءَ چمشانک دیگ بوت ۔ مزن وزیر ءِ ھاسیں کمکار ڈاکٹر فردوس عاشق اعوان ءَ گوشت کہ دمگی سلامتی، روگ ءُُ آیگ ءُُ ایمنی ءُُ برجائی وژن ءِ رد ءَ اوگان صدر ءِ ایش ارزشتی ایں تر ءُُ تاب انت، مزن وزیر عمران خان ءِ وژن انت کہ پاکستان ءِ دگنیا ءِ ملک آنی گوما دو نیمگی سیادی گہتر، پڑ ءَ ایمنی ءُُ دیمروئی، دونیمگی تجارت ءَ را دل یکیمی ءِ گوما جتا جتائیں ملک آنی الس آں گوں روگ ءُُ آیگ ءَ را گیش ودینگ بہ بیت، اوگان صدر ءِ تر ءُُ تاب ھمے سسا آنی آدینک انت ۔ مزن وزیر ءِ ھاسیں کمکار ڈاکٹر فردوس عاشق اعوان ءَ گوشت کہ وزارت ءِ اھوالکاری ءِ زمہ واری انت کہ دومی ملک آنی وزارت آناں وتی ملک ءِ وزارت آں گوں ھوار کنگ بہ بیت ۔ آئیءَ گوشت کہ جرنلسٹ ایکسچینج پروگرام ءِ چیر دستی ءَ پاکستان اوگانستان ءِ اھوالکار آناں وش اتک کنت ۔ اوگان وزیر اھوالکاری ءَ گوں دو ءُ ربیدگ ءِ دیمروئی ءِ سر ءَ گپ ءُُ تران کنگ بوت، اوگانستان ءِ گوما جتا جتائیں شوبگ آنی تہ ءَ کمک آناں ودینگ ءَ انت ۔ آئی ءَ گوشت کہ پاکستان عمران خان ءِ سروکی ءَ دگنیا ءِ گوما ھوار کپگ ءَ انت، دمگی کمک آناں دیمروئی دیان ءَ دگنیا ءِ گوما رابطہ گیش آسان بنت ۔
