اسلام آباد ۔ 27 جون (اے پی پی) صدر مملکت ڈاکٹر عارف علوی ءَ گوں نیدرلینڈ ءِ سفیر مس آردی بریکن ءَ پنچ شمبے ءِ روچ ءَ ایوان ءِ صدر ءَ گڈی گند ءُُ نند کت ۔ صدر مملکت ءَ نیدرلینڈ ءِ دزکش بوھوکیں سفیر ءَ را پاکستان ءَ وتی سفیری ءِ کامیاتیں سرج میں ءِ پد ءَ مبارک بات دات ءُُ پاکستنا ءُُ نیدرلینڈ ءِ نیام ءَ دو نیمگی یکوئی ءَ را گیش ودینگ ءِ واستہ آئی ءِ جھد آناں ساڑات ۔ صدر مملکت ءَ گوشت کہ پاکستان ءُُ نیدرلینڈ ءِ نیام ءَ دو نیمگی یکوئی است ایشاناں یورپی یونین ءِ رد ءَ دوئیں ملک آنی الس آنی نیام ءَ وت مہ وتی سیت ءُُ برجائی ءِ واستہ گیش کوشست ءِ ضلورت انت ۔ صدر ءِ مملکت ءَ گوشت کہ دوئیں ملک آنی نیام ءَ دو نیمگی تجارت ایشی ءِ گواچنی ازم ءِ گوما سیادی نہ دار ایت ءُُ ایشرا گیش ودینگ ءِ ضلورت انت ۔ آئی ءَ اسلام فوبیا، نیک راھی بنیات آنی رد ءَ گر ءُُ دار ءِ واستہ دو نیمگی ءُُ میاں اوستمانی کمک ءَ را گیش ودینگ ءُُ سیویلائیزیشن ءِ نیام ءَ وت مہ وتی ءِ ضلورت ءِ سر ءَ زور دات ۔ صدر ءِ مملکت ءَ پاکستانی معیشت ءِ جتا جتائیں شوبگ آنی تہ ءَ سرمایہ کاری ءِ واستہ نیدرلینڈ ءِ واھگ ءُ واھشت آناں وش اتک کت ۔
