اسلام آباد ۔ 27 جون (اے پی پی) وزیر ءِ درئی کار شاہ محمو د قریشی ءَ گوشت کہ حکومت آمید گس آنی آزاتی ءُُ کانود ءِ سروکی ءِ سر ءَ دل یکیمی دار اتی، حکومت وکیل آنی جیڈھ آنی گیواری ءِ واستہ ضلوری گامگیج کنت انت ۔ آئی ءَ اے گپ وزیر ءِ کانود بیرسٹر فروغ نسیم ءِ ھمبراھی ءَ ملتان ہائیکورٹ بار ءُُ ڈسٹرکٹ بار ءِ ڈل ءَ گوں تران کنان ءَ کت آئی ءَ پنچ شمبے ءِ روچ ءَ آئی ءَ گوں گند ءُُ نند کت ۔ وکیل آں وزیر ءِ درئی کار آرا وتی جیڈھ آنی بابت ءَ سرپد کت ۔ وزیر ءِ درئی کار ءَ گوشت کہ ما وکیلیں برات آنی جیڈھ آنی بابت ءَ شر سرپد آں ۔ حکومت وکیل آنی جیڈھ آنی گیواری ءِ واستہ المی گیں گامگیج کنت انت ۔ آئی ءَ گوشت کہ حکومت کانود ءِ سروکی ءُُ آمید گس آنی آزاتی ءِ سر ءَ دل یکیمی دات ایت ۔ اے موہ ءِ سر ءَ وزیر ءِ درئی کار ءَ ملتان ہائیکورٹ بار ءُُ ڈسٹرکٹ بار ءِ واستہ جتا جتائیں چیک بھر ءُُ بانگ کت ۔ اے چیک عارف کمال نون ایڈوکیٹ ممبر پنجاپ بار کونسل زرّباری پنجاپ ءَ دزگیر کت اَنت ۔
