مزن وزیر ءِ ھاسیں کمکار برائے اھوالکاری ءُُ شنگ کار ڈاکٹر فردوس عاشق اعوان ءِ ’’ایجوکیشن ایکسپو‘‘ ءَ اوپن یونیورسٹی ءِ سٹال ءِ تر ءُُ تاب ءِ ساھت ءَ تران

اسلام آباد ۔ 26 جون (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ علامہ اقبال اوپن یونیورسٹی ءِ سرج میں ملک ءَ زانشتی ازمت آناں ساڑات ءُُ اے امیت ءِ درشان کت کہ یونیورسٹی ملک ء ِ ڈلگچار کتگیں زانشت لوٹ آنی پیلو کنگ ءِ وستہ گامگیج کنت ۔ پاک ۔ چائنہ فرینڈ شپ سینٹر ءَ برجم داشتگیں ’’ایجوکیشن ایکسپو‘‘ ءَ اوپن یونیورسٹی ءِ سٹال ءِ تر ءُُ تاب ءِ ساھت ءَ نودربر آں گوں تران کنان ءَ آئی ءَ گوشت کہ دانشگاہ جوانیں زانشت ءِ پجاری ءِ واستہ حکومت ءِ کمک گون انت ۔ ڈاکٹر فردوس عاشق اعوان ءَ یونیورسٹی ءِ زانت ءُُ زانشتی چست ءُُ ایر ءُُ زانشتی پروگرام آں گوں جھلانکیں واھگ داشتگ ۔ یونیورسٹی ءِ سیالکوٹ آفس ءِ ھوالگ ءَ تران کنان ءَ آئی ءَ گوشت کہ ھندی مردم آنی زانشتی ضلورت آنی پیلو کنگ ءِ واستہ زاتی رد ءَ اوپن یونیورسٹی ءِ گوما ھمک رنگ ءِ سپورٹ پجاری ءَ تیار اوں ۔ آئیءَ یونیورسٹی ءِ اکیڈمک رینکنگ ءَ گیشی ءُُ ڈیجیٹل ٹرانسفارمیشن ءِ واستہ وائس چانسلر پروفیسر ڈاکٹر ضیار القیوم ءِ وژن ءُُ گامگیج آناں ساڑات ۔ یونیورسٹی سٹال ءِ تر ءُُ تاب ءِ ساھت ءَ ڈاکٹر فردوس عاشق اعوا ن ءَ را چیئرمین شوبگ ماس کمیونیکیشن پروفیسر ڈاکٹر ثاقب ریاض ءُُ ڈائریکٹر سٹوڈنٹ افئیرز رانا طارق جاوید ءَ یونیورسٹی ءِ زانشتی پروگرام، گیرنیٹ ورک، گریب;47;کودکیں ءُُ ضلورت مندیں نودربر آنی واستہ مپت ءَ زانشتی منصوبگ آنی سر ءَ بریفنگ دات ۔ 2روچی ایجوکیشن ایکسپو ءَ آیوکیں نودربر اوپن یونیورسٹی ءِ سٹال ءَ گیشاں چہ گیش مردم اتک اَنت ءُُ یونیورسٹی ءِ میٹرک ءَ چہ پی ایچ ڈی ءَ تاں ڈیڑھ ہزار ءِ کساس نودربر آنی زانشتی پروگرام آنی تہ ءَ واھگ داشت ۔ یونیورسٹی ءِ شوبگ ماس کمیونیکیشن ءِ کارندہ نودربر آناں یونیورسٹی ءِ زانشتی پروگرام ءَ داخلہ ءُُ چکاس ءِ کار رپک ءِ بابت ءَ سرپد کت ۔