راولپنڈی ۔ 26 جون (اے پی پی) بلوچستان ءَ ضلع لورالائی ءَ پولیس لائن ءِ سر ءَ ناشرکاری اُرش ءَ را ناکام کنگ بوت، تیر گواری ءِ سبب ءَ سئے ناشرکار بیران وھدیکہ یک پولیس ءِ کارندہ ءِ شہید بوت ۔ پاک اُرد ءِ شوبگ آئی ایس پی آر ءِ رد ءَ چار شمبے ءِ روچ ءَ سئے وت کشیں تراک کنوک آں لورالائی پولیس لائن ءِ سر ءَ ارش کنگ ءِ کوشست کت، سئیں وت کشیں تراک کنوک آناں پولیس ءَ چیک پوسٹ ءَ پترگ ءِ ساھت ءَ جوانیں رنگ ءَ گٹ کت ءُُ تلاشی کت، یک وت کشیں تراک کنوکے ءَ را پترگ ءِ گیٹ ءِ سر ءَ 2 ءَ را پولیس لائن ءِ اندر ءَ جت ءُُ کشت ۔ ایف سی ءُُ کوئیک رسپانس فورس واکیہ ءِ جاھ ءَ اتک ءُُ پُج اتنت ۔ فائرنگ ءِ سبب ءَ یک وت کشیں تراک کنوکے ءَ وتارا تراکینت وھدیکہ یک دگہ وت کشیں تراک کنوکے ءَ را سیکورٹی فورسز آں جت ءُُ کوشت ۔ ناشرکار آنی تیرگواری ءِ سبب ءَ کانسٹیبل اللہ نواز شہید ءُُ 2کانسٹیبل سک باز ٹپیگ بوت اَنت ۔ آپریشن ءَ چہ پد فورسز آں لورالائی پولیس لائن کمپاءونڈ ءَ را کلیئر کنگ بوت ۔
