کوءٹہ ۔ 25جون (اے پی پی) گورنر بلوچستان امان اللہ خان یاسین زئی تون سے شنبے نادے آ گورنر ہاءوس کوءٹہ ٹی آزاد جموں و کشمیر نا صدر سردار مسعود خان اوڑدہی کرے ۔ اوڑدہی ٹی ڈیہہ نا تازہ انگا حالیت آتون اوار تین پہ تینی است خواہی نا معاملہ غاتیا گپ و تران کننگا ۔ داوخت آ گورنر بلوچستان پارے کہ کشمیر نا الس تینا حق خودارادیت نا دوئی کننگ کن اسہ بھلو وخت اسے آن جہد کننگ ءُ و پاکستان اوفتا جہد نا نئے بیرہ پورو مخ تفی ءِ کیک بلکن دنیا نا ہر فورم آ تینا موقف ءِ پیدوار کرینے کہ اقوام متحدہ نا قرارداد آتے مون آ تخسا مقبوضہ کشمیر نا الس ءِ حق خودارادیت تننگے تانکہ او تینا تقدیر نا فیصلہ ءِ تینٹ کننگ کیر ۔ اوپارے کہ بلوچستان نا الس ہم تینا کشمیری ایلم تتون پورو یکجہتی نا درشانی ءِ کننگ تون اوار اوار دنیا نا چکار ءِ کشمیری الس آ کروک آ بیدادی ناکنڈا کرفنگ اٹ پیش پیش ءُ ۔
