راجہ پرویز اشرف ، شمائلہ محمود و ریاض محمود نا بریت نا درخواست آک مسترد
اسلام آباد ۔ 25جون (اے پی پی) احتساب عدالت مسکوہی وزیر کانود و پاکستان تحریک انصاف نا سینئر نائب صدر ڈاکٹر بابر اعوان ءِ نندی پور پاور ریفرنس اٹ بری کرینے ۔ احتساب عدالت نا جج ارشد ملک سے شنبے نادے آ بریت نا درخواست آ ڈک فیصلہ ءِ بنفسا ڈاکٹر بابر اعوان و جسٹس ریٹائرڈ ریاض کیانی نا بریت نا درخواست آتے منظور کرے وخت اس کہ ایلو مسہ دوبہ دار مسکوہی وزیراعظم راجہ پرویز اشرف، شمائلہ محمود و ریاض محمود نا بریت نا درخواست آتے مسترد کرے ۔ ریفرنس اٹی پندار 7 دوبہ دار آن پنچ دوبہ دار بریت نا درخواست اس دائر کریسر وخت اس کہ دوبہ دار شاہد رفیع و مسعود چشتی نا کنڈآن بریت نا درخواست ءِ دائر کننگتویسس ۔ عدالت چار دوبہ دار راجہ پرویز اشرف ، شمائلہ محمود، ریاض محمود و جسٹس ریٹائرڈ ریاض کیانی نا درخواست آتیا فیصلہ ءِ تدوک آ دے ڈک کریسس وخت اس کہ ڈاکٹر بابر اعوان نا بریت نا درخواست آ فیصلہ ءِ26اپریل آ ڈک کننگاسس ۔
