اسلام آباد ۔ 25جون (اے پی پی) وزیر خارجہ مخدوم شاہ محمود قریشی پارینے کہ پاکستان اوغانستان اٹی مسہ باسکی اتحاد’’ایساف‘‘ نا رداٹ نیٹو ا مریکی فورس آتا ہروڑکمک ءِ کرینے، پاکستان و نیٹو نا اوغان امن عمل نا بابت موقف اٹی بھاز یکسانیتءِ ، ہڑتوم آ ک اوغانستان ناویل ءِ اوغان سرکڑدہ غاتون مذاکرات نا کمک اٹ ایسر کننگ نا حامی ءُ ۔ داہیت ءِ او تدوک آ دے برسلز اٹی نیٹو ہیڈ کوارٹرز اٹی نیٹو نا سیکرٹری جنرل سٹولٹن برگ اتون اوڑدہی ٹی گپ وتران کرسا پارے ۔ اوڑدہی ٹی پاکستان و نیٹو نا نیام اٹ ہڑتوم آ کنڈآتا کمکاری و اوغان عمل تون اوار تین پہ تینی است خواہی نا معاملہ غاتیا گپ و تران کننگا ۔ داوخت آ ڈپٹی سیکرٹری جنرل نیٹو روزگوٹیمویلر ہم ساڑی ئس ۔ وزیر خارجہ پارے کہ پاکستان اوغانستان اٹی مسہ باسکی اتحاد’’ایساف‘‘ نا رداٹ نیٹو و امریکی فورس آتا ہروڑ کمک ءِ کرینے ۔ پاکستان و نیٹو نا اوغان امن عمل نا بابت موقف اٹ بھاز یکسانیت ءِ انتئے کہ ہڑتوم آ ک اوغانستان نا ویل ءِ اوغان سرکڑدہ غاتون مذاکرات نا کمک اٹ ایسر کننگ نا مخ تف ءُ ۔
