کراچی ۔ 25جون (اے پی پی) گورنر سندھ عمران اسماعیل تون سی فورڈ، یو کے نا میئر نازش عادل نا اوڑدہی ٹی ہندی حکومتی نظام، واپار ءِ ودفنگ، ہندی حکومتی نمائندہ غاتا ڈل آتا ہن و بر آ گپ و تران کننگا ۔ سے شنبے نادے آ جاری اعلامیہ نا رداٹ گورنر ہاءوس اٹی اوڑدہی ٹی گورنر سندھ پارے کہ ڈل آتا ہن وبر آن ہڑتوم آ کنڈآتا تعلقداریک پین سوگو مریرہ ہرا تین پہ تینی فائدہ غاتا گچینی ٹی اہم ثابت مریک داوڑنا گام گیج آتیان اسہ ایلو ءِ پہہ مننگ و پوسکن آ آزموندہ غاتا دوئی کننگ اٹ آسانی ودی مریک ۔ اوپارے کہ داوڑنا گام گیج آتا کمک اٹ ہندی حکومت نا نظام اٹی پین گچینی اتنگ مریک ۔ ہراڑان الس نا راجی آسراتی کن بھلو کچ اسے آ گام گیج چست کننگ اٹ کمک و ہندی نظام ءِ پوسکن ءُ جہت اس دوئی مریک ۔
