اسلام آباد ۔ 25جون (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ الس نا کنڈآن مسترد کروک آ سیاسی مگرمچھ آتے بیرہ اقتدار ملیپننگ نا دڑد ءِ ، اوتینا دڑد ءِ الس نا دڑد اتون اوار کرسا تینا مسخت آتے دوئی کننگ خوارہ، اوفتے بے سہبی آن بیدس پین ہچ اس ملیپک ، مولانا فضل الرحمان 1988ء آن پد اولیکو وار اقتدار آن پیشن ءِ اقتدار آن پیشن مننگ اوڑکن ناممکن ءِ ، وزیراعظم عمران خان نا کماشی ٹی ملک اٹی معاشی سوگوی کن گام گیج چست کننگ اُن ، چین، قطر، سعودی عرب تون اوار سنگت ملک آک معاشی چیلنج آتون مون تننگ کن ننا کمک ءِ کننگ ءُ، اپوزیشن چاہک کہ اگہ پی ٹی آئی نا دا بجٹ منظور مس تو اوکان پد ملک اٹی آخبتی معاشی سوگوی بریک، اوکان پد اپوزیشن نا چورن آک سودا مفسہ، ہنداخاطران الس نا کبینی نا دڑد ءِ تینا سیاسی دڑد اتون اوار کرسا تحریک چلیفنگ نا ہیت آتے کننگ ءُ، اولیکو وار اپوزیشن نا تحریک اوفتا سینہ ٹی ہی دم کشتہ مریک ، سیاسی نومولود سرکڑدہ نا بیانیہ ءِ تینا جماعت آک مسترد کریر تو او الس آ ہرامون اتون ہنور ۔ او سے شنبے نادے آ پاک ۔ چائنہ فرینڈ شپ سنٹر اٹی نجی میڈیا گروپ نا کنڈآن اڈ ہلوک 2دے ئی ایجوکیشنل ایکسپو 2019ء نا بنائی دود آن تران کریکہ ۔
