اسلام آباد۔ 25جون (اے پی پی) پاکستان اٹی رہینگوک آ 14لکھ رجسٹرڈ اوغان باہوٹ آتا اڈ کننگ نا مد ہندا تُو انا 30 جون آ چٹنگ ئِ، رجسٹرڈ اوغان باہوٹ آتا اڈ کننگ نا مد اٹ ودکی نا بابت بنجائی کابینہ فیصلہ کیک۔ وزارت سیفران نا کمامدارآتارداٹ پاکستان اٹی رہینگوک 14لکھ رجسٹرڈ اوغان باہوٹ آتا اڈ کننگ نا مد اٹ ودکی نا بابت سمری ئِ بنجائی کابینہ غا گدریفنگانے۔ کمامدارآتارداٹ سیفران و اوغانستان نا پاکستان اٹی سفارت خانہ مچ آ ملک اٹی غیر رجسٹرڈ اوغان باہوٹ آتے نادرا نا کمک اٹ رجسٹرڈ کریسس ہرافتا کچ 8 لکھ 80 ہزار ئِ ہرافتے نادرا اوغان شہریات کارڈ جوڑ کرینے تسنے، ہرافتے رجسٹرڈ اوغان باہوٹ آتا درجہ دوئی اف۔ پاکستان اٹی داوخت آ 22لکھ 80 ہزار اوغان باہوٹ رجسٹرڈ ئُ ہرا پاکستان اٹی تینا خاہوت تون اوار زند ئِ تیر کننگ ئُ۔ یو این ایچ سی آر نا کمامدارآتارداٹ پاکستان آن اوغان باہوٹ آتا کشنگ نا چرجوئی برجائِ، اینخو نا سال اٹی داوخت اسکان اسہ ہزار 800 رجسٹرڈ اوغان باہوٹ پدی ہنانو۔
