اسلام آباد ۔ 25جون (اے پی پی) الیکشن کمیشن مریم نواز شریف نا پارٹی عہدہ نا برخلاف درخواست نا سماعت ءِ 4جولائی اسکان پد بٹے وخت اس کہ مریم نواز شریف نا کنڈآن ورندی ءِ الیکشن کمیشن اٹ جمع کرفنگا ۔ سے شنبے نادے آ چیف الیکشن کمشنر جسٹس (ر) سردار محمد رضا نا کماشی ٹی مسہ باسکی بنچ تحریک انصاف نا باسک قومی اسمبلی ملیکہ بخاری نا سزایافتہ مریم نواز شریف ءِ مسلم لیگ (ن) نا نائب صدر کننگ نا برخلاف درخواست نا سماعت ءِ کرے ۔ مریم نواز شریف نا وکیل تینا نوشتہی ورندی ءِ الیکشن کمیشن اٹ جمع کرفے ہراٹی پاننگانے کہ آئین و گچین کاری کانود اٹی دُن ءُ ہچ ءُ ممانعت اس اف کہ سزایافتہ بندغ اس پارٹی عہدہ ءِ ہلنگ کپک ، آمریت نا دور اٹی پولیٹیکل آرڈر 2002ء ٹی دا شق اوار ئس ولے پارلیمان گچین کاری کانود 2017ء ٹی دا شق ءِ چٹفیسس ۔ داسہ دُن ءُ ہچ ءُ قدغن اس اف ۔ اوکمیشن آن پین مہلت خواہس اوکان پد سماعت ءِ 4جولائی اسکان پد بٹنگا ۔
