پاکستان گوں آذربائیجان ءَ گوں وتی سیادیءَ را سک باز ا رزشت دنت، صدر ڈاکٹر عارف علوی ءِ آذربائیجان ءِ سفیر ءَ گوں گپء ُتران

اسلام آباد ۔ 25جون (اے پی پی) ملک ءِ صدر ڈاکٹر عارف علوی ءَ گشتگ کہ پاکستان آذربائیجان ءَ گوں وتی سیادی ءَ را باز ارزشت دنت، دوئیں ملک آنی دونیمگی بیپاری ءَ را گیش کنگء ُ حاس توانائی ء ُ سیل ء ُ سواد ءِ پڑآں زرکاری کنگءِ ضلورت اِنت ۔ آئیءَ ا ے گپ پاکستان ءَ آذربائیجان ءِ سفیر علی فکرت اولوعلیزادہ ءَ گوں گپء ُتران کنانءَ کتگ کہ آ یاں سے شمبے ءِ روچءَ یکے دومی ءَ گوں گندء ُ نندکتگ ۔ سفیرءَ آذربائیجان ءِ ترء ُتاب کنگءِ ھاترءَ صدر الہام علیوف ءِ دعوت نامہ صد رءَ را سرکتگ ۔ صدرءَ سفیر ء ِ شگرء ُ منت گپتگ ء ُ گشتگ کہ پاک ۔ آذربائیجان جانءِ دودء ُ ربیدگ ء ُ عقیدہ یک وڑ اَنت ۔ آئیءَ جموں ء ُ کشمیر ءِ جیڑہ ءِ سرءَ پاکستان ءَ گوں ہمراہ داری کنگءَ آذربائیجان ءَ را ساڑاتگ ۔ آذربائیجان ءِ سفیر ءَ پاکستان ءِ معیشت ءِ بازیں پڑاں زرکاری کنگءِ ھدوکی درشان کتگء ُ پاکستان ءِ زرکاری پڑءِ توسیپ کتگ ۔