اسلام آباد ۔ 24 جون (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوشت کہ پاکستان ءِ کرگستان ءَ ھوار شنگھائی کمکی گل ءِ توا میں ممبر مملک آنی گوما یکوئی است پاکستان ءَ مُدام ایمنی یے کمک کتگ ءُُ ناشرکاری ءِ ھلاپ ءَ جنگ کتگ، پاکستان نا ایوک ءَ پڑ بلکینگ ءَ سرج میں دگنیا ءَ چہ ناشرکاری ءِ ھلاسی ءِ واستہ جزمیگ انت، پاکستان زرّباری ایشیا ءَ ھاسیں رنگ ءَ بے وانندگی، گریبی، وردن ءُُ وراک ءِ کمیگ ءُُ نادُراھی ءِ ھلاسی ءِ واھشت ایگ انت، جان سلامتی ءُُ بنی آدمی شوبگ آنی تہ ءَ کمک ءُُ وردن ءُُ وراک ءِ رکھینگ ءُُ دیمروئی ءِ وسیلگ ءَ شہری آنی ھمک روچ ءِ زندمان ءِ بابت ءَ شنگھائی گل ءَ را گیش دیمروئی دینگ ءِ ضلورت انت ۔ آئی ءَ اے ھیالانی درشانی دو شمبے ءَ ادا بشکک ءَ شنگھائی کمکی گل ءِ سروک دیوان 2019ءَ چہ پد در جتگیں تجروبت ءُُ ایشانی سر ءَ دیمروئی ءِ ھوالگ ءَ باست ءُُ واست ءَ گوں گشتانک دیان ءَ کت ۔ آئی ءَ گوشت کہ اے سیمینار ءِ مول ءُُ مراد بشکک ءَ شنگھائی کمکی گل ءِ سروک دیوان ءَ پاکستان ءِ شریکداری ءَ را سہرا کنگ ایش ھما انت کہ گوزوکیں ماہ ءِ بندات ءَ مزن وزیر عمران خان ءَ پاکستان ءِ نماھندگی کتگ اَت ۔
