اسلام آباد۔ 23 جون (اے پی پی) صدر مملکت ڈاکٹر عارف علوی ءَ امیر قطر شیخ تمیم بن حمد الثانی ءَ را پاکستان ءِ مزنیں سول ایوارڈ نشان پاکستان ءَ گوں نوازاتگ۔امیر قطرءِ شرپ ءَ ھاسیں مراگش ایوان صدر ءِ تہ برجم دارگ بوتگ ایشی تہ چیئرمین سینیٹ صادق سنجرانی،سپیکر بنجاہی اسمبلی اسد قیصر،گورنر پنجاپ چوہدری محمد سرور،بنجاہی وزیراں،پارلیمنٹ باسکاں ءُُ مزنیں سول ءُُ فوجی واکدار اں بھرزوراتگ۔امیر قطر ءَ را پاکستان ءُُ قطر ءِ میان ءَ دودیمی براتری سیادی ءَ را گیش پراھ کنگ ءِ کوشستانی سرا مزنیں سول ایوارڈ نشان پاکستان ءَ گوں نواز اتگ۔ایشی چہ پیسر ءَ امیر قطر شیخ تمیم بن حمد الثانی ایوان صدرءَ سر بوت تو صدر مملکت عارف علوی ءَ ایشانی پُرشانیں وش اتک کتگ۔اے درگت ءَ ربیدگی پچ ءُُ پوشاک ءَ گوں زھگاں امیر قطر ءَ را پھل پیش کتگ ات۔ صدر مملکت ءَ امیرقطرءُُ ایشی ڈل ءِ شرپ ءَ نیم روچ ءِ نان ھم داتگ۔
