اسلام آباد۔ 23 جون (اے پی پی) امیرقطرشیخ تمیم حمد الثانی پاکستان ءِ دوروچیں تروتاب سرجم کنان ءَ یک شمبے ءَ وطن ءَ واتر بوتگ ات۔نورخان ائیربیس سرا مزن وزیر ءِ ھاسیں کمکار سید زولفقارعباس بخاری ءُُ دگہ ٹوھیں سول ءُُ عسکری واکداراں آہاں را الوداع کتگ۔روگ ءَ چہ پیسر ءَ پاک فضائیہ ءِ واکدار ءَ امیرقطرءَ راجے ایف 17 تھنڈرءِ باروا بریفنگ داتگ۔امیرقطر ءَ ملٹی رول گرابانی تہ وتی دلچسپی پدر کتگ۔مزن وزیر عمران خان ءِ دعوت ءِ سرا امیرقطرشیخ تمیم حمد الثانی ھپتگ ءَ پاکستان ءَ سر بوتگ ات،آہاں گوں ہمبراہ مزن تکی ڈلے ھم ات۔مزن وزیر عمران خان ءَ ھاسیں وزیراں ءُُ ٹوھیں واکدار ءِ ہمبراہ امیر قطر ءَ را وش اتک کتگ۔وتی تروتاب ءِ تہ امیر قطر ءَ مزن وزیر عمران خان ءُُ صدر مملکت ڈاکٹر عارف علوی ءِ گوما گند ءُُ نند کتگ۔گند ءُُ نند ءِ تہ امیر قطر ءَ را پاکستان ءُُ قطر ءِ میان ءَ دوستی ءُُ براھندگی سیادی ءِ پراھی ءِ سرا ملک ءِ مستریں سول ایوارڈ ”نشان پاکستان“ ءَ گوں نوازاتگ۔امیر قطرءِ پاکستان ء ِ تروتاب ءِ تہ دوئیں ملکانی میان ءَ اقتصادی شراکت داری ءَ رامہمیز دیگ ءِ راھبندانی سرا چار ءُُ بچار کنگ بوتگ۔اے درگت ءَ دوئیں ملکانی میان ءَ لہتیں تک ءَ منوگرانی ءُُ کمک ءِ کاگدانی سرا دستخط کتگ۔
