اسلام آباد۔ 23 جون (اے پی پی) مزن وزیر ءِ ھاسیں کمکار برائے ھالرسانی ءُُ شنگکاری ڈاکٹر فردوس عاشق اعوان ءَ گوشت کہ امیر قطر ءِ پاکستان ءِ تروتاب دوئیں ملکانی میان ءَ براھندگی ءَ ھوار سیادی ءَ را لہتیں تک ءِ تہ گیش مھکم کن ایت،عمران خان ءِ راھشونی ءِ تہ پاکستان سرمایہ کاری ءُُ سیاحت ءِ تہ دگنیا ءِ ھاترا یک پُرکشش ءِ منزل جوڈ بوان برز بوھگ انت۔اے ھیالانی درشان آہاں امیر قطر شیخ تمیم بن حمد الثانی ءِ پاکستان آھگ ءِ سرا ٹویٹ ءِ تہ کتگ ات۔آہاں گوشت کہ مزن وزیر عمران خان پاکستان ءَ را سرمایہ کاردوست ملک جوڈ کنگ ءَ انت۔گوست ءَ قطر ءَ گوں سیادی ءِ تہ راجی مفاد ءِ رکھگ ءِ ابید ھاندانی مفادات ءَ را دلگوشی دیگ بوتگ۔نوں نزیکیں ءُُُ وشیں سیادی سوگو ءُُ ایکٹو معاشی کمک ءِ تہ بدل بنت۔آہانی گوشگ ات کہ دوئیں ملکانی میان ءَ لہتیں تک ءَ معاہدہ دودیمی سیادی ءُُ وت مہ وتی کمک ءَ را گیش پراھ کن انت۔
