پشاور۔23جون (اے پی پی)سپیکرقومی اسمبلی اسدقیصرءَ گوشت کہ مزن وزیر اے گپے سرا تپاک انت کہ معیشت ءِ دیمروئی ءِ ھاترا یک ھاسیں کمیٹی جوڈ دیگ بیت ءُُ پارلیمنٹ،اپوزیشن،سینیٹ ءِ ھوار پاکستان ءِ دراھیں ادارگ یک میز ءِ سرا نندانت ءُُ معیشت ءِ دیمروئی ءِ سرا راج ءِ بستار ءَ چار ءُُ بچار ءَ کن انت۔ے ھوالہ ءَ مہ اپوزیشن ءَ چہ ھم امیت کنگ اوں کہ آں جیڈھانی حل ءِ ھاترا دیما کائنت ءُُ انشاء اللہ اے ملک ءِ دیمروئی مہلوک ءِ فلاح ءُُ وشھالی ءِ ھاترا مچ کردارءَ ادا کنیں۔امن ءِ برجاہی،فلاح ءُُ بہبود معیشت ءِ گہبودی ءُُ وشھالی ءِ ھاترا مہ دراھ جدوجہد کنیں۔مہلوک ءَ را مطمئن بوھگ لوٹ ایت۔،ھداوند کریم ءَ پاکستان ءَ را عمران خان ءِ دروشم ءَ یک اے رنگیں لیڈر ءِ داتگ ہمہ ملک ءَ کوراسی ءَ چہ درکن ایت‘لہتیں جیڈھ سیاسی نہ بلکہ راجی مفاد ءِ بوھگ انت آہانی سرا حکومت ءُُ اپوزیشن یک پلیٹ فارم ءِ سرا بوھگ لوٹ ایت۔اے ھیالانی درشان آہاں ٹھنڈکوئے،صوابی ءِ تہ سوئی گیس منصوبگ ءِ بنداتی مراگش ءَ گوں تران کنان ءَ کتگ ات۔سپیکرقومی اسمبلی اسدقیصرءَ گوشت کہ مہ اوگانستان ءِ تہ امن ءِ واھگداراوں،اوگانستان ءِ تہ امن ءِ برجاہی چہ پاکستان ءِ تہ امن برجاہ بیت۔مہ لوٹگ اوں کہ اوگانستان ءِ مہلوک وتی باندات ءِ پیسلہ ءَ وت واک بیت ءُُ وتی پیسلہ ءَ وت کن ایت۔آہاں گوشت کہ اوگانستان ءِ تہ کسے ءِ حکومت بہ بیت مہ آہاں گوں براتیں سیادی ءُُ شریں ہمساھگ ءِ مثال قائم کنگ لوٹگ اوں۔
