اسلام آباد۔ 23 جون (اے پی پی) مزن وزیر ءِ صلاحکار برائے موسمیاتی بدلی ملک امین اسلم ءِ نامداریں اھوالکار،تجزیہ کار ءُُ کالم نگار سہیل وڑائچ ءِ ہمراہ وتی حلقہ ءِ لہتیں یونین کونسل آنی تروتاب کتگ،صحت کارڈ بھرءُُ بانگ کتگ ات ءُُ راج ءِ جیڈھ ءَ را حل کنگ ءِ ھاترا موہ ءَ پرمان داتگ ات۔سرجمیں حالانی ردا ملک امین اسلم ءَ اٹک ءِ تہ وتی حلقہ این اے 55ءِ مہلوک ءَ گوں گشتانک کنان ءَ گوشت کہ صحت کارڈ غریب مہلوک ءِ ھاترا عمران خان ءِ سوگات انت۔ایشی ءَ چہ پیسر ءَ ھم حکومت اتکگ ات بلے کسے ءَ غریب ءِ ھیال مہ کتگ ات۔آہاں گوشت کہ گوست ءَ حاکماں کرپشن ءِ سرا دلگوشی داتگ وھدیکہ مزن وزیر عمران خان ءِ گیشتر منصوبگ غریب مہلوک ءُُ لس مردمانی فلاح ءِ ھاترا انت۔اے موہ ءَ آہاں سہیل وڑائچءِ ہمراہی ءَ حقداریں مردمانی تہ جان سلامتی کارٹ بھر ءُُ بانگ کتگ ات۔ایشی ءَ چہ پیسر ءَ حلقہ ءَ آھگ ءَ مہلوک ءَ ملک امین اسلم ءُُ سہیل وڑائچ ءِ پُرشانیں وش اتک کتگ۔
