اسلام آباد۔ 22 جون (اے پی پی) امیر قطرشیخ تمیم بن حمد الثانی پاکستان ءِ دوروچیں تروتاب ءِ سرا ھپتگ ءَ اسلام آباد ءَ سر بوتگ ات۔وزیر اعظم عمران خان ءَ نور خان ایئر بیس سراامیر قطر ءِ پرشانیں وش اتک کتگ۔دری کارانی وزیر شاہ محمود قریشی ھم اے ساعت ءَ ساڑی اتنت۔ وزراء،ٹوھیں واکداراں ھوار ڈلے ھم امیر قطر ءَ گوں ہمبراہ ات۔نور خان ایئر بیس سرا زھگاں شرپ داریں مہمان ءَ را پھل پیش کتگ ات وھدیکہ آہاں را 21ٹوپانی سلامی ھم دیگ بوتگ۔پدا مزن وزیر عمران خان امیر قطر ءِ گاڈی وت ڈرائیو کنان ءَ مزن وزیر ہاوس ءَ شتگ ات۔ایشی ءَ چہ پیسرءَ امیر قطر ءَ مارچ 2015ءِ تہ پاکستان ءِ تروتاب کتگ ات۔2013 ءِ تہ حاکمی سمبھالگ ءِ پدا پاکستان ءِ ایشی ءِ دومی تروتاب انت۔قطر ءِ امیر وزیر اعظم ءِ دعوت سرا پاکستان ءِ تروتاب کنگ انت۔امیر قطر وزیر اعظم عمران خان ءُُ صدر ملکت ڈاکٹرعارف علویءِ ھوار مزنیں واکداراں گوں گند ءُُ ننداں کن انت۔پاکستان ءُُ قطر ءِ میان ءَ لہتیں تک ءِ تہ منوگری یاتگیری ءِ سرا دست چنگل کنگ بنت۔تروتاب چہ دوئیں ملکانی میان ءَ سیادی ءُُ وت مہ وتی کمک ءَ را دراجی رسیت۔
