اسلام آباد۔ 22 جون (اے پی پی) دری کارانی بنجاہی وزیر شاہ محمود قریشی ءَ گوشت کہ پاکستان قطر ءِ گوما دودیمی سیادی ءَ را باز ارزشت دیگ انت، قطر پاکستان ءِ تہ توانائی ءِ بحران ءِ ھلاسی ءِ ھاترا ھاسیں کرد ءَ ادا کنگ انت، دوئیں ملکانی میان ءَ بیئپاری کساس 2.5ارب ڈالر چہ گیش بوتگ انت ءُُ گوستگیں وھد ءِ تہ وت مہ وتی بیئپار ءِ کساس ءِ تہ باز ودکی بوتگ۔امیر قطر ءِ پاکستان ءِ تروتاب چہ دوئیں ملکانی میان ءَ بیئپار ءِ نوکیں راھ پچ بنت ءُُ سرمایہ کاری ءِ ودکی بیت۔اے گپ آہاں ھپتگ ءَ نورخان بالی پٹ ءِ سرا قطر ءِ نائب مزن وزیر ءُ دری کارانی وزیر شیخ محمد بن عبدالرحمان الثانی ءِ گوما گند ءُُ نند ءِ تہ کتگ۔ایشی ءَ چہ پیسر ءَ دری کارانی وزیر شاہ محمود قریشی ءَ وتی قطری ہمکار ءَ را پاکستان آھگ ءِ سرا وش اتک کتگ۔گند ءُُ نند ءِ تہ دودیمی سیادی ءُُ قطر ءِ امیر شیخ تمیم بن حمد الثانی ءِ پاکستان ءِ تروتاب ءِ ھوالہ گوں ھیال ریچی کتگ۔
