راولپنڈی۔ 22 جون (اے پی پی) آرمی چیف جنرل قمرجاوید باجوہ ءَ گوشت کہ پاکستان سوگو،ناقابل واتری ءُُ مھکمیں امن ءُُ گہبودی ءِ نزیک انت۔ ڈائریکٹرجنرل آئی ایس پی آر میجر جنرل آصف غفورءِ نیمگا چہ چاگردی ویب سائٹ ٹویٹر ءِ سرا جاڑی کلوھ ءِ ردا آرمی چیف ءَ اے گپ لندن ءِ تہ انٹرنیشنل انسٹی ٹیوٹ آف سٹریجک سٹڈیز (آئی آئی ایس) ءِ چیر دستی ”پاکستان ءِ دمگی سلامتی ءِ تناظر“ءِ موضوع ءِ سرا گپ ءُُ تران ءِ تہ کتگ ات۔آرمی چیف ءَ گوشت کہ پاکستان سوگو،ناقابل واتری ءُُ مھکمیں امن ءُُ گہبودی ءِ زورگ ءِ نزیک انت ءُُ پائدگ مند میاں اوستمانی شراکت داری،کمک ءُُ دمگی چیلنجءَ گوں دیم دیگ ءِ جزم ءِ وسیلگ ءَ ایشی ءَ زورگ بیت۔آرمی چیف ءَ گوشت کہ سلامتی ءِ ماحول ءِ تہ گہتری ءَ چہ پاکستان ءِ تہ ڈنی زرکاری ءِ ھاترا موہ انت ہمہ کہ دمگی رھوت ءِ مرکز انت۔آرمی چیف ءَ گوشت کہ بلے جنوبی ایشیا ءِ تہ پائیدار ءُُ مھکمیں امن ءُُ ایمنی ءِ باندات جیڈھ ءَ را دمگ ءِ تہ چہ حل کنگ ءِ بود ءِ سرا انت۔
